أساسيات السفر

دائماً قبل السفرة افكر ايش راح اخذ معاي..

اخذ كل اغراضي ولا شوية منها؟ راح احتاج هذا ولا لا؟!

بس افضل طريقة عشان اعرف ايش راح احتاج هي اني اشوف الاشياء اللي دائماً استعملها اخذها معاي وبعض الاشياء اشتريتها من فترة بس ابداً ما استعملتها او جربتها مرة وحدة ما اتوقع راح تفرق معاي جبتها او لا , بس اعرف انها راح تكون زيادة عدد.

  • كيف انظم مكياجي؟

اولاً اجيب كل المكياج اللي عندي واقسمه,احط الارواج مع بعض والفاونديشن والاكحال وهكذا..

واخذ من كل نوع مكياج اللي راح احتاجه يعني الارواج ماراح استخدمها كلها اذا اخذتها معاي بس اخذ الالوان الاساسية اللي تناسب كل شئ او الالوان اللي اذا خلطتها مع بعض يعطي لون غير وحلو .

والفاونديشن ما احتاج كذا نوع ! بس واحد تغطيته مناسبة يكفيني .

ومن الضروريات بالنسبة لي ومستحيل يضبط مكياجي من دونها بودرة لورا مرسييه وبرايمر وبرونزر(مع اني نسيت اخذه معاي) واضاءة ماري لو وماسكارا ومثبت مكياج .

… حبيت اعطيكم طريقة اعجبتني بس ما توقعت اني راح احتاجها, بما اني نسيت البرونزر وما فكرت اخذ علبة الكونتور وانا وجهي تقريباً دائري فلازم ابرز تقاسيم وجهي بدل ما يصير كأنه بالون, عن طريق الستروبينق بالإضاءة فقط اكيد اغلبكم يعرف هذي الطريقة , وبصراحة اعجبتني النتيجة والظاهر راح اعتمدها في اغلب الاوقات…

نرجع لموضوعنا , ظل العيون اخذت بس علبة وحدة الوانها حلوة و تناسب الاماكن اللي راح ازورها وهي NAKED3

والشنطة هذي اخذتها من VICTORIA’S SECRET اتوقع بـ 100 ريال بعد التخفيض .

  • تنظيم مستحضرات العناية والإستحمام.

هنا احتجت شنطة تكون شوي اكبر لأنه ما كان عندي وقت اعبي بعلب صغيرة بدل ما اخذها بحجمها وهذي الشنطة الحمد لله ناسبت اغراضي, اخذتها من MARKS AND SPENCER  وتجي ثلاث شنط بمقاسات مختلفة بـ 49 ريال.

 

new.jpg

والمستحضرات اللي اخذتها هي :

  • زيت للجسم .
  • لوشن لليدين.
  • بخاخ لفك تشابك الشعر.
  • مزيل عرق.
  • شور جل.
  • تونر وجل الصبار للوجه.
  • غسول للوجه .
  • معجون وفرشاة اسنان.

وهذي هي الاشياء اللي استعملها بشكل يومي وا استغني عنها.

  • الكماليات.

الشنطة الاخيرة حطيت فيها اكسسواراتي مع الاندروير لأن الشنطة شوي كبيرة ووسعت لهم جميع.

وبما اني البس عدسات طبية يومياً عيوني لما اقوم من النوم تكون شوي منفخة ولازم كمادة باردة عشان كذا اخذت السيليكون باد معايا.                                                                                                         والشنطة هذي جتني هدية من محل NAYOMI .

وبس هذي هي الاساسيات بالنسبة لي لأي سفرة اسافرها .                                                             وفيه طبعاً بعض الأخطاء اللي راح اتحاشاها بالمرات الجاية ان شاء الله زي توزيع الكريمات بعلب صغيرة عشان اوفر مساحة, واشيك على اغراضي قبل اقفل الشنطة لأن فيه كم شغلة احتجتها و ما جبتها معايا.

ان شاء الله تكون تدوينة مفيدة ويكون احد استفاد منها.

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s